ԼՂ կարգավորմանն օժանդակելը ՌԴ նախագահի ուշադրության կենտրոնում է․ ՌԴ ԱԳՆ

10:00   02 Դեկտեմբեր 2019    406

Այսօր մեկնարկում է Ռուսաստանի արտաքին գործերի նախարար Սերգեյ Լավրովի երկօրյա այցը Բաքու։

Այնտեղ նա հանդիպումներ է ունենալու երկրի ղեկավարության հետ ու ի թիվս այլ հարցերի, քննարկելու է նաև Ղարաբաղյան հակամարտությունը։

«Լեռնային Ղարաբաղի կարգավորման հարցում կողմերին օժանդակությունը Ռուսաստանի արտաքին քաղաքական առաջնահերթությունների թվին է դասվում և գտնվում է Ռուսաստանի նախագահի ուշադրության կենտրոնում»,- ասվում է այցի կապակցության ՌԴ ԱԳՆ հաղորդագրության մեջ, տեղեկացնում է Hayatsk.info-ն։

Ռուսական կողմը պնդում է, որ հակամարտության կարգավորումը հնարավոր է միայն քաղաքական-դիվանագիտական ճանապարհով, կողմերի միջև երկխոսության միջոցով։ Իսկ Մոսկվան, ըստ հաղորդագրության, պատրաստվում է դրան օժանդակել ոչ միայն որպես ԵԱՀԿ ՄԽ համանախագահ, այլև որպես Ադրբեջանի ու Հայաստանի հետ սերտ կապեր ունեցող պետություն։

Hayatsk.info

Հեշթեգներ: Լավրով   Բաքու   Ղարաբաղ  


Վերնագիրի այլ պիտակները