ՄԱԳԱՏԷ-ում տանգո են կատարել կազմակերպության նորանշանակ ղեկավարի համար

20:13   02 Դեկտեմբեր 2019    226

ՄԱԳԱՏԷ-ի գլխավոր տնօրենի պաշտոնում արգենտինացի Ռաֆայել Գրոսսիի նշանակումը կազմակերպությունում նշել են լատինամերիկյան ոճով. նրա պատվին կատարել են իր հանրահայտ հայրենակցի՝ Աստոր Պյացոլայի Libertango ստեղծագործությունը:

Hayatsk.info-ն հայտնում է, որ երկուշաբթի ՄԱԳԱՏԷ-ի գլխավոր համաժողովի հատուկ նիստ է կայացել՝ նվիրված Գրոսսիի թեկնածության հաստատմանը: Նա իր պարտականությունները կստանձնի դեկտեմբերի 3-ին: Հաստատումից հետո տեղի է ունեցել վերջինիս երդմնակալության արարողությունը:

«Կցանկանայի ընդգծել, թե որքան կարևոր է ինձ համար, որ առաջին լատինամերիկացին եմ այս համաժողովում, որն այդքան բարձր պատվի է արժանացել՝ նշանակվելով այս պաշտոնին»,- ասել է Գրոսսին իր ելույթում:

Նրա ելույթից հետո նիստերի դահլիճում են հայտնվել երաժիշտները՝ կատարելով արգենտինական ստեղծագործությունը:

Hayatsk.info

Հեշթեգներ: Աշխարհ    


Վերնագիրի այլ պիտակները