Ուկրաինան եւ Վրաստանը ստեղծում են ռազմավարական խորհուրդ

11:18   14 Դեկտեմբեր 2019    411

Վրաստանի վարչապետ Գեորգի Գախարիան եւ Ուկրաինայի նախագահ Վլադիմիր Զելենսկին ստորագրել են համաձայնագիր միջպետական ռազմավարական խորհուրդ ստեղծելու մասին։

Hayatsk.info-ն հայտնում է, որ այս մասին հայտնում է «Նովոստի Գրուզիան», վկայակոչելով Վրաստանի կառավարության տարածած հայտարարությունը։

Համաձայնագրի ստորագրումը տեղի է ունեցել Կիեւում, որտեղ գտնվում է Գախարիան երկօրյա պաշտոնական այցով։ Վրաստանի վարչապետը հանդիպել է նաեւ Ուկրաինայի նախագահի հետ, որի ընթացքում քննարկվել են երկկողմ գործակցությանն առնչվող հարցեր։ Հատկապես ուշադրության կենտրոնում են եղել այն հարցերը, որոնք միտված են եվրաատլանտյան ինտեգրացիային եւ անվտանգության մարտահրավերներին։

Ռազմավարական խորհուրդը աշխատելու է չորս ուղղություններով՝ քաղաքական, առեւտրա-տնտեսական, մշակութային-հումանիտար եւ պաշտպանական-անվտանգային։ Ըստ ուղղությունների երկկողմ համընդգրկուն գործակցությունը համակարգվելու է ոլորտային նախարարների կողմից։

Hayatsk.info

Հեշթեգներ: Ուկրաինա   Վրաստան  


Վերնագիրի այլ պիտակները