Սիրիայից երեք հրթիռ է արձակվել Իսրայելի ուղղությամբ

16:45   15 Մայիս 2021    332

Սիրիայի տարածքից երեք հրթիռ է արձակվել Իսրայելի ուղղությամբ։

Այս մասին ասված է Իսրայելի պաշտպանության բանակի մամուլի ծառայության Twitter-ի էջում հրապարակված հաղորդագրության մեջ:

Նշվում է, որ արկերից մեկն ընկել է արաբական հանրապետության տարածքում, տեղեկացնում է Hayatsk.info-ն։

Մինչդեռ Sky News Arabia հեռուստաալիքի տեղեկությունների համաձայն՝ բոլոր երեք հրթիռներն ընկել են «բաց տեղանքում»։

Հիշեցնենք, որ Երուսաղեմում հուզումները սկսվել են մայիսի 7-ին: Արաբ երիտասարդների և ոստիկանության միջև բախումները բռնկվել են մայիսի 8-ի երեկոյան, այնուհետև շարունակվել՝ տարածվելով Տաճարի լեռան և Ալ-Աքսա մզկիթի տարածքում: Դրանք իրենց գագաթնակետին հասել են մայիսի 10-ին, երբ հրեաները նշում են Երուսաղեմի օրը: Բախումների սկզբից ի վեր Գազայի հատվածից ավելի քան 1800 հրթիռ է արձակվել Իսրայելի ուղղությամբ: 850 հրթիռ հատել է Իսրայելի սահմանը, ևս 200-ը ընկել՝ Գազայի հատվածում: Բախումների ընթացքում կան զոհեր և վիրավորներ, այդ թվում՝ խաղաղ բնակչության շրջանում: Իսրայելի բանակը հայտարարել Է, որ ոչնչացրել Է ՀԱՄԱՍ-ի հետախուզության հանգուցային դեմքերի, այդ թվում՝ ՀԱՄԱՍ-ի ռազմական հետախուզության անվտանգության բաժնի ղեկավարին ու նրա տեղակալին:

Hayatsk.info

Հեշթեգներ: Իսրայել   Սիրիա  


Վերնագիրի այլ պիտակները