COVID-19 հնդկական շտամը սպառնալիք է լոքդաունի թուլացման համար

20:20   15 Մայիս 2021    298

Մեծ Բրիտանիայում կորոնավիրուսի հնդկական շտամը կարող է խանգարել լոքդաունի թուլացմանը:

Այս մասին հայտարարել է Մեծ Բրիտանիայի վարչապետ Բորիս Ջոնսոնը, գրում է «Ինտերֆաքս»-ը:

Միացյալ Թագավորությունում COVID-19-ի նոր տարբերակի սպառնալիքի պատճառով կարագացվի պատվաստումը պատվաստանյութի երկրորդ բաղադրիչով 50-ից բարձր տարիքի մարդկանց եւ խոցելի այլ կատեգորիաների համար: Ջոնսոնը նշել է հնդկական շտամի վարակելիությունը, ինչը հաստատել է նաեւ Անգլիայի գլխավոր բժիշկ Քրիս Ուիթին: Ընդ որում, վարչապետը նշել է, որ մինչ այժմ մուտացիայի ենթարկված վիրուսի դեմ պատվաստանյութերի անարդյունավետության ապացույցներ չկան, տեղեկացնում է Hayatsk.info-ն:

Այս պահի դրությամբ Մեծ Բրիտանիայի չափահաս բնակչության գրեթե 70 տոկոսը ստացել է պատվաստանյութի առնվազն մեկ դեղաչափ. Երկիրը նախատեսում է մայիսի 17-ին վերացնել սահմանափակումները, երբ կթույլատրվի հյուր գնալ եւ զվարճանքի վայրեր այցելել:

Hayatsk.info

Հեշթեգներ: COVID-19  


Վերնագիրի այլ պիտակները