ԱՄՆ-ը կորոնավիրուսի դեմ 25 միլիոն չափաբաժին պատվաստանյութ կնվիրաբերի

09:06   04 Հունիս 2021    649

Ջո Բայդենի վարչակազմը հայտարարել է, որ կորոնավիրուսի դեմ 25 միլիոն չափաբաժին պատվաստանյութ կնվիրաբերի, որի մեծ մասը կտրամադրվի Առողջապահության համաշխարհային կազմակերպության COVAX նախաձեռնությանը:

Սպիտակ տունը հաղորդել է է, որ շուրջ 19 միլիոն չափաբաժին պատվաստանյութ կտրամադրի COVAX-ին: Մոտ 6 միլիոն չափաբաժին ուղիղ կառաքվի դրա կարիքն ունեցող երկրներ, այդ թվում՝ Մեքսիկա, Կանադա եւ Հարավային Կորեա, ինչպես նաեւ ՄԱԿ-ի առաջատար աշխատակիցների համար , տեղեկացնում է Hayatsk.info-ն:

«Մենք կիսում ենք այս չափաբաժինները ոչ թե ծառայություններ ստանալու կամ զիջումների հասնելու համար: Մենք կիսում ենք այս պատվաստանյութերը, որպեսզի կյանքեր փրկենք եւ աշխարհը տանենք դեպի համավարակի դադարեցման՝ մեր օրինակի եւ մեր արժեքների միջոցով»,- ասել է Բայդենը:

Նշվում է, որ ԱՄՆ-ը մինչեւ հունիսի վերջն «առնվազն» 20 միլիոն չափաբաժին պատվաստանյութ կտրամադրի:

Hayatsk.info

Հեշթեգներ: Աշխարհ    


Վերնագիրի այլ պիտակները